Мен қандаймын – Эльдар Ишберген

Мен қандаймын?

Мен қандаймын? Қызықпа? Айтайын ба?
Қаламыммен ән жазып шайқайынба?
Түсіп алып, шықпайтын жай жай мұңға.
Шынында мен өзімді байқаймын ба?

Мен намыспын,
Жалынбайтын тәккәппарға.
Мен биікпін,
Алынбайтын қыраттарға.
Мен шоқтаймын,
Жалындайтын құрғақтада.
Мен сондаймын,
Сондықтан да сыр ақтарма.

Сағынбаймын, болсаңда жырақтарда.
Сағынады деп ойлап құлап қалма.
Талай рет сүрінгем сынақтарда.
Сол үшін сен де маған сыр ақтарма.

Мен толқынмын,
Теңіздің жағасында.
Мен ыстықпын,
Өртеніп барасыңба?
Мен сағыммын,
Жалғанның арасында.
Сене берме,
Жалғыз болып қаласың да.

Өзгергем жоқ, мен әлі бұрнғымын.
Көз көрген жоқ, жанарын бүгінгінің.
Ойлап отсам түсініксіз жандай екем.
Өзің айтшы, мен қазір қандай екем?