Сырбай Мәуленов

Жауар күн жақын сияқты

Бұл бетте «Жауар күн жақын сияқты» атты Сырбай Мәуленов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

07.02.2016
0
0
2203

Жел сайрандап далада,
Үрлейді құмда қияқты.
Жас иіс бар ауада,
Жауар күн жақын сияқты.
Биіктен бұлттар тізіле,
Құлдырап төмен құлапты.
Жалын бар көктің жүзінде,
Жауар күн жақын сияқты.
Қағазға ақын төнеді,
Көңілден көлдей күй ақты.
Өлеңнің бұлты келеді,
Жауар жыр жақын сияқты.
1957
* * *
Түсті жерге ақ моншақтар,
Үзіліп бұлт қанатынан.
Жауқазындар, сарғалдақтар,
Жас баладай жаңа туған.
Айналып жас гүл әлемді,
Көңіл көкте жүр кептердей.
Аспанда алтын легенді,
Әлдекімдер сүйреткендей.
1957

Cырбай Мәуленов өлеңдері Жауар күн жақын сияқты өлеңі

Пікірлер (0)

Пікір қалдырыңыз

Жиі қойылатын сұрақтар