Өлең, жыр, ақындар

Торғай қақпасы

  • 07.02.2016
  • 0
  • 1
  • 10189
Сонау Туран ойпатынан бас алып,
Өзен болып айрыларда жасы ағып,
Торғай бір күн таңмен бірге аттанған
Ұзатылған қыз сияқты жасанып.
Селеулердің сипай өтіп ақ шашын,
Айлар бойы бір тоқтатпай ат басын.
Орал таудың оңтүстігін орай кеп,
Орнатқан ол алтын діңгек қақпасын.
Бұлттың көлі орын теуіп жапаннан,
Жалпақ дала найзағайдан от алған.
Көк темірлі қақпасы деп Торғайдың
Бүкіл дала бір есіммен аталған.
Қонақтамай кете алмаған ұшпа бұлт,
Қиырына жете алмаған құс талып.
Жазда аңызақ жалынымен күйдірген
Көк темірдей дала өзегін қыс қарып.
Жер астында жатса да алтын самсаған,
Ел қиялдан байлықты іздеп шаршаған.
Жүрсе-дағы өзі темір үстінде
Темір таяқ, темір етік аңсаған.
Жартасына жұрттың қолы батпаған,
Ешбір Апақ тас көмірін таппаған,
Қойныңдағы қорғасының,
темірің
Торғай жері иесіне сақтаған.



Пікірлер (1)

Ердәулет

Не деген жақсы шығарма

Пікір қалдырыңыз

Кемпірқосақ

  • 0
  • 3

Жердің жүзі дірілдеп
Жел дауылды сапырса.
Төсін бұлттың тілімдеп,
Қөк жалындар атылса.

Толық

Алма бағында

  • 0
  • 1

Жаймашуақ жазғы күн,
Жасыл гүлге бөленген.
Жардай күліп көз тартып,
Алма бағы көгерген.

Толық

Қош бол, сәулем

  • 0
  • 6


Қош бол, сәулем, қан майданға жөнелдім,
Жаным барда жаудың жолын бөгермін.
Я болмаса омырауымнан оқ тиіп,

Толық

Қарап көріңіз