Алматым деп ән салам – Ибрагим Иса

Бұл бетте «Алматым деп ән салам» атты Ибрагим Иса жазған өлеңнің мәтіні толық жарияланған.

Алматымдай ғажап қала бар ма,
Қандай нұрлы, тамаша.
Айналғандай бейне ән-арманға,
Көз тоймайды қараса.

Толқып аққан асау өзендерің,
Суың балдай, тамсанам.
Сұлу қалам жалғыз өзің менің,
Алматым деп ән салам.

Қайырмасы:
Қуаныштың қаласы,
Ән-отаудың бейнесі.
Алатаудың айнасы –
Осы!

Атыңды айтып әр кез мақтанамын,
Сүйіп сені танығам.
Қимай сені жалғыз аттанамын,
Қайда барсам сағынам.

Алатаудың әсем етегінде,
Арман қала аңсаған.
Сағыныштың еріп жетегінде,
Ораламын мен саған.

Қайырмасы:


Пікір қалдырыңыз

Пікірлер (0)

Осы автордың басқа өлеңдері