Сені қатты сүйетін бір адам бар – Камал ҰЗАҚ

Тағдыр бізді тәлкегіне салса да,
Жүрегіміз сағынышқа толса да,
Арамызда мың шақырым болса да,
Сені қатты ұнатамын Жалғызым.

Сен қуансаң - қуанамын өзіңмен,
Сен жыласаң - жас шығады көзімнен,
Бір жылулық сезіледі сөзіңнен,
Сені қатты жақсы көрем Жарығым.

Сезімімді жасыра алмай толғанам,
Бұндай сезім бұрын-соңды болмаған,
Саған қарай жол сілтейді сол маған,
Сені қатты сүйіп қалғам Жарқыным.

Сені қатты сүйетін бір адам бар,
Сен осыны ұмытпашы Алтыным.

©Камал ҰЗАҚ