Сынбаған сенім

Кім біледі ертеңім не боларын,
Сол сұраққа табылар ма жауабым?
Жоғалтпаған жалғыз ғана қазынам,
Сенім сынса, мен де бірге тынармын.

Талай рет сүріндім де құладым,
Бірақ қайта өз күшіммен тұра алдым.
Жараланған жүрек болса кеудемде,
Сөндірмеді үміт атты шырағым.

Тіршіліктің жүгін тартып келемін,
Шаршап кейде, терең ойға енемін.
Мынау қатал, түсініксіз дүниеде
Көңіл шерін кімге барып төгемін?

Қайда бастап барады бұл жолдарым,
Сынақ кешіп, өтті қанша жылдарым.
Түсінсем де түсініксіз тағдырды,
Иығыма артқан ауыр салмағын.


Оразбай Сарыбаев