Махаббат сыры

1. Махаббат күші неткен тылсым,
Аялап жүректерді жүрсің.
Сөздермен шығармайтын сырсың,
Кез келген шыға алмайтын шыңсың.

Қайырмасы:
Аялағансың,
Аямағансың қанша жанды,
Таныстырғансың,
Табыстырғансың аңсағанды.
Сағыныш боп шырылдайсың күрсінсем,
Жүректегі өшпей тұрған нұрсың сен!

2. Махаббат айдынына қонған,
Қаншама өтті-ау, Аққу-арман.
Әніне ғашық жандар салған,
Қосылып тұрғандай-ау жалған.

Қайырмасы.

3. Аңсатып, сағындырып жеткен,
Махаббат жүректегі көктем.
Шуағың түссе еріп кеткен,
Ғажайып құдіретсің неткен!

Қайырмасы.