Алғашқы махаббат

1. Қайда жүрсем табыласың қасымнан,
Жарық сәулем, жаным сүйген жасымнан.
Махаббаттың асқар тауы сен болсаң
Мен бір талмын иығыңа асылған.

Қайырмасы:
Еркем, нұрлы күндей,
Көркем қыр гүліндей,
Төсінде жайлаудың желбіреген, желбіреген.
Дала бұлағындай,
Өмір шырағындай,
Жаным-ау, жанарың мөлдіреген, мөлдіреген.

2. Сенен өзге болмас менде басқа арман,
Жарық сәулем, сыр айтуға жасқанған.
Махаббаттың айдын көлі сен болсаң,
Бір тамшың боп қосылайын аспаннан.

Қайырмасы.