Сақшы

Бұл бетте «Сақшы» атты Исраил Сапарбай жазған өлеңнің мәтіні толық жарияланған.

Қарамайды ол дауылға,
Қарамайды ол жауынға.
Күзетеді қас қақпай,
Туған жердің тауын да.
Қарамайды ол күніңе,
Қарамайды ол түніңе.
Күзетеді қас қақпай,
Туған жердің гүлін де.
Көл сыбырын біледі ол,
Жел сыбырын біледі ол.
Көк орманның шайқалған
Әр шыбығын біледі ол.
Бұлақ күліп ақса да,
Құстар сайрап жатса да,
Тыныштығын бәрінің
Күзетеді сақшы аға!


Пікір қалдырыңыз

Пікірлер (0)

Осы автордың басқа өлеңдері