Өлең, жыр, ақындар

Жарымды жаным сүйді, сүйе алмай тәнім күйді

  • 14.04.2015
  • 1
  • 2
  • 12497
Таза арақты әкел, шырақ,
Болайын қайғыдан жырақ.
Бойым – еркiн, ойым – ұжмақ,
Тiлiм – бұлбұл, сөзiм – бұлақ!

Уайым жоқ, табылды арман,
Түсiп сәуле асық жaрдан.
Көтердi пердесiн әбден,
Қызыл гүлiм ашылған шақ.

Нұрына күн нұры жетпес,
Қасы – жай, кiрпiгi – оқ реттес.
Көңiлден суретi кетпес,
Жүзi – сиқыр, шашы – тұзақ.

Қара көзi өтiп ойға,
Әсерi жайылып бойға,
Тұрғандай шақырып тойға,
Бойымда жоқ сабыр-тұрақ!

Ернiңде қиын сыр бар‚
Жаным соған тым ынтызар.
Сүйейiн дейтұғын шығар‚
Лайық па екен денем‚ бiрақ?

Тең емес ернiне ернiм‚
Ерiнге‚ мiнi‚ жан келдiң.
Сүйiп кел‚ сенi жiбердiм‚
Тұра тұрсын денем аулақ.

Бояуы мiнсiз‚ сұлу шын жар‚
Жүрегiмде сипатың бар.
Болып ынтық қыламын зар‚
Бұ әлемде бармысың шын-ақ?

Көрiп көз нұрыңа қанса‚
Барып жан ләззатын алса.
Тәнiм құрбан бола қалса‚
Мұнан артық болар ма бақ?



Пікірлер (2)

Зарина

Өте жақсы өлеңдер

Пікір қалдырыңыз

Құмарлық

  • 1
  • 2

Құмарлық деген бір ит бар,
Жаныңа жау шын ит бар.
Алды-артыңа қаратпас,
Рахымы жоқ тым ит бар.

Толық

Қорқақ бай

  • 1
  • 1

Бір қорқақ бай білмейді Құдайды бір,
Көрінгенге жалынып жалпылдап жүр.
«Қастығынан құтылдым бәрінің» деп,
Малын жалдап күн көрді сонымен құр.

Толық

Міндеу мен күндеу

  • 2
  • 1

Көп сөз айтқан бұрынғы білімділер
Пайдалансын, ұқсын деп кейінгілер.
Сынға салып талғамай талапты жас,
Соның бәрін қатесіз жөн деп білер.

Толық

Қарап көріңіз