Сырбай Мәуленов

Госпитальдар

Қазақша өлең мәтіні, өлең жолдары және толық нұсқасы.

07.02.2016
0
0
2255

Жалынмен жанып,
Дауылмен ағып,
Көшті таңдар.
Дала қуысында,
Қала бұрышыңда
Тұрды айнала госпитальдар.
Шулады сыртта
Жел-өзендер.
Сүңгіді бұлтқа
Ашық күн - терезелер.
Түндерде жара ауырлап,
Құтырып қағынды өлім.
Тұрды өмір қарауылдап
Басында жауынгердің.
Жаралы тұрды үміт,
Жатты оған ем істеп ел.
Ажалды жүрді қуып
Ақ қанат періштелер.
Таусылып алатын дем,
Жатқанда жанып достар,
Желпіді қанатымен
Қарлығаш - қарындастар.
Күлкісіз күндер,
Ұйқысыз түндер,
Көшті таңдар.
Үміттің ұясындай
Тұрды сонда
Госпитальдар,
Госпитальдар!

Cырбай Мәуленов өлеңдері Госпитальдар өлеңі

Пікірлер (0)

Пікір қалдырыңыз

Жиі қойылатын сұрақтар