Оңтүстік аспаны астында

«Сырыағаш» курорты
Сарыағаштың атын ақтар
Жоқ самсаған сары ағаштар.
Әлі сәби жапырақтар,
Әлі мұнда жаланаш тал.
Құмтөбелер жапырайған,
Жатыр түзде тау себі жоқ.
Шаңқай түсте шақырайған,
Қалайы күн қан-сөлі жоқ.
Сырқатына сол күн дәрі,
Тер боп сені басады үстен.
Сыңсиды өзен толқындары.
Бір кездері Асан ішкен...
Жұлады ыстық, суығыңды,
Сары құмдар, сары белдер.
Сарыағаштың суы, күні —
Сапта тұрған дәрігерлер.