Өлең, жыр, ақындар

Есек

  • 07.02.2016
  • 0
  • 0
  • 2792
Қалдырам деп дәмеленіп мықты атты,
Ертеде есек ұзақ жолға жүк тартты...
Одан кейін машиналар қаптады,—
Бірақ есек пенсияға шықпапты,—
Баяғы сол тойымы жоқ аш құлқы,
Баяғы сол өзгермейтін тас ғұрпы.
Баяғыша митыңдап ол келеді,
Мәңгілікке бар секілді паспорты.
Оңтүстіктің отты күні күйдіріп,
Жүргізбейді құйын салып қиғылық,
Қауын артып қайран есек келеді,
Өзге жұртқа жасаймын деп игілік.
Оған пайда түсірсе де кесектеп,
Иесі оны қарайды тек есек деп.
Отырады шаң астында сәудегер,
Тиындарын қайта-қайта есептеп.
Шарлады есек бұл өлкенің қиырын,
Иесі оның шығарған жоқ бүйірін.
Олжама ортақ бола ма деп ол қайта
Есектен де жасырады тиынын.



Пікірлер (0)

Пікір қалдырыңыз

Майдан жолында

  • 0
  • 0

Жүре бердік түк үнсіз,
Үзіліссіз, тынымсыз.
Кірпік ілмей ұйқысыз,
Жүре бердік шылымсыз.

Толық

Баяғы сөзің әлі есте

  • 0
  • 0

(Сейтжан Омаровқа)
Сұр шинельді киінген,
Соғыстың сонау жылдары.
Аспан мен жерді үйірген,

Толық

Ұшқан ұяда

  • 0
  • 0

Төрт жыл жаумен атысқан,
Кезген тау, тас қиясын.
Келді жігіт батыстан
Іздеп ұшқан ұясын.

Толық

Қарап көріңіз