Өлең, жыр, ақындар

Керек

  • 14.04.2015
  • 2
  • 1
  • 13221
Керекті керек білмеген,
Керектен қашып күйреген,
Еріксіз керек сүйреген
Біздің қазақ емес пе?

Керексізді керек деп,
Санасыз, ойсыз дедектеп,
Керекке осы кезек деп
Адасқан азап емес пе?

Керексіз ғұмыр жайлаған,
Керекке қолын байлаған,
Еріксіз заман айдаған
Қазақ мазақ емес пе?

Керекті білген кемелдер,
Бас үшін уайым жемеңдер,
Қазақты қолдан демеңдер,
Міндетің сол емес пе?

Асыраңыз, емдеңіз,
Түзелер деп сенбеңіз,
Тартқаны бейнет, азап қой,
Қарасар жол емес пе?

«Елді жесін,– дей көрме,–
Елден елім артылып»,
Бірдей шықсын елім де
Таразыға тартылып.

Кейін қалып, елімді
Ел жемесін деп талпын,
Нысабы толық білімді
Тартады сөйтіп өз халқын.



Пікірлер (1)

Пікір қалдырыңыз

Қазақтың жаманы болмас...

  • 1
  • 4

Қазақтың жаманы болмас,
Жаманнан аманы болмас.
Бірігіп іс қылатұғын,
Түзелер заманы болмас.

Толық

Бір ханның кеудесіне жара шыққан...

  • 1
  • 2

Бір ханның кеудесіне жара шыққан
Оған ем табылмапты тамам жұрттан.
Айтқаны қате кетпес бір балгерді
Әкепті естіген соң даңқын сырттан.

Толық

Жүз жыл бақты болсаң да...

  • 2
  • 1

Жүз жыл бақты болсаң да,
Әлемнен асып толсаң да,
Алтын таққа қонсаң да,
Айрылған күнi – бiр кейiс.

Толық

Қарап көріңіз