Өлең, жыр, ақындар

Кешегі Қаражан мен Байғұлағым...

  • 14.04.2015
  • 1
  • 1
  • 6017
Кешегі Қаражан мен Байғұлағым,
Жобалай, Әділ, Мыңғат, Байұзағым!
Бірадар Рақымберді Ұсабай мен,
Тоғалақ, Тәкей менен болды Ысқағым.
Сәкен, Көжек, Молдабай, Әкежандар –
Қамшы, құрық, жанторсық, саптыаяғым.
Не малыма қызықпай, не асыма,
Қиянатсыз, дос болып жүрген шағым.
Іні-ағалы, туғандар көп болса да,
Жалғанда шын дос еді сүйген бағым.
Қайда жүрсе қараған қабағыма,
Өзгенің берсе да алмай алтын тағын.
Ойымды айтпай біліп, ашпай көріп,
Бір мен үшін дайындап жүрер жағын.
Айрылдым ақ жүректі замандастан
Қайда екен, қайран достар, аруағың?
Бүгін бар есендікпен Кәріқыздар
Солардың көре қалған бір тырнағын.
Үйткенмен кеудесінде құр сүлдері,
Білмейді өзінің де не қылмағын.
Доссыз өмір – шоғы жоқ қара көмір,
Өткен күн – елестеген ол бір сағым.
Жан сүйеніш жақыннан айрылған соң.
Айып па алдымды ойлап жылағаным.
Солардың бәрін Ием жарылқасын,
Тілеймін жақсы орында жолықпағын.
Ойлай берсем, от шалар жүрегімді,
Жана бермей, қылайын сөзді шағын.
 



Пікірлер (1)

Пікір қалдырыңыз

Бәйшешек бақшасы

  • 1
  • 2


Жемiстi, жақсы иiстi бұл бәйшешек,
Аралайық, пайдасын көрем десек.
Ұғымды, милы жастың ойын қозғап,
Ұқтырар талай тәлiм, талай есеп.

Толық

Кәрілік, шал деген – бір, ат қылғандай...

  • 2
  • 1

Кәрілік, шал деген – бір, ат қылғандай,
Айнадай ақылыңды тат қылғандай.
Жеңілді ауыр, алысты жақын қылып,
Бір туысқан жақынды жат қылғандай.

Толық

Шымды жерде көресіз қара топырақ...

  • 1
  • 8

Шымды жерде көресiз қара топырақ,
Шiрiген шөп, тозаңнан болған құрақ.
Егер оған дым тиiп, күн жылытса,
Жан кiрiп, шөп шығады гүл, жапырақ.

Толық

Қарап көріңіз