Аналарды жылатқан әскер болды!

Не болғаны айдың күннің аманында.
Соғыста жоқ бейбітшілік заманында.
Қыршынынан қиылған сарбаздарым,
Салғырттықтан суға кетіп батады ма.

Басшыларым қайда қарат бұл мезетте.
Қаншасы тұр әскер өлім сұм кезекте.
Тілсіз жауды себеп қып құтылмақшы,
Жауабы жоқ басқа айтар сол есепке.

Аналарды жылатқан әскер болды.
Жылағаннан омырау жасқа толды.
Қуып жүріп көшеден тиеп алған,
Сау жігіттер әскерде марқұм болды.

Қарт Каспийдің қойнауы кең болар ма.
Жұтқан жандар әлде оған кем болар ма.
Тілсіз жауым тағы да санаспады.
Зар жылады ата ана көнді олар да.

25.09.2026
Ишберген Эльдар