Сыныптастар

Сыныптастар – жарқыраған жұлдыздар,
Бойларыңда ізгі ниет, нұрлы із бар.
Бұл жалғанды шарласам да шарқ ұрып,
Сендердейін жандар қайда, құрдастар?!

​Сыныптастар, сәуле қуып ұмтылған,
Алтын сәттер болар бізге жыр-дастан.
Күңіреніп келсе-дағы салқын күз,
Еңсе түсіп, мұңаймаңдар ешқашан!

​Нұрға бөлеп атар бізге әрбір таң,
Жетелейді күресуге сан арман.
Демеу болып, өмірімде нұр шашқан,
Сыныбымды еске аламын әрқашан.

​Алда қандай сынақ барын білмейміз,
Өткінші деп, іштей кейде толқимыз.
Арман қуып, сәтті жолға ұмтылып,
Бар жақсылық болсын деп біз тілейміз!

Авторы:Айданбек Әділет