Алты ағаш

(Баллада)
Соғыс күрмеп кеңімеді арқа-бас,
Эшелондар ағып жатты жанталас.
Ақболаттың алты ұлы аттанды,
Қалды ауылда өздері еккен алты ағаш.
Қан майданнан оралмады алтауы,
Көре алмады ата мекен Арқаны.
Көз жасымен шайылды да ағарды,
Ақболаттың сақалының әр талы.
Семсерлердің сөнді қашан жарқылы,
Жол үстінде тұрады қарт әр күні.
Торғайларды жырлатады тербетіп,
Алты алаш- Ақболаттың алты ұлы.