Досым

Досым,

Үйленіп алшы, жүргенше босқа шашылып,
Жүретін жанмен абыройыңды асырып.
Бақытты жанды казинолардан таппайсың,
Жүрген жандар ол үйіне қарай асығып.

Досым,

Дайын тұрады ішетін асың, киімің,
Гүлі боласың ағайын-туыс жиынның.
Памперс алуға ақшаңды санап жүргенде,
Қадірін біліп қолдағы соңғы тиынның.

Немере сыйлап әкешіңменен анаңа,
Әке болудан артық бақ бар ма балаға?
Көшеде жүрген күндеріңменен түндерің
Әке-шешеңнің алдында, досым, садаға.

Досым,

«Жарты адам» дейді ғой бойдақ адам,
Мен де сендей үйленем деп ойламағам.
Бүтін адам болуды көздегесін,
Үйленіп кеттім жерден ойламаған.