Ақ орамал
Бұл бетте «Ақ орамал» атты Ахат Кендебай жазған өлеңнің мәтіні толық жарияланған.
(Мақпалға)
Айсыз аспан, айнала қаратүнек,
Қорғасын ой сығады, сана жүдеп.
Жесір отыр құшақтап жетім қызды,
Мына жетім қоғамнан пана тілеп.
Құндақталып қос мұңлық нала-мұңға,
Қабырғасы қайысты қаланың да.
Заманбектей арыстан айырылып,
Өзегіне өрт түсті даланың да.
Тоқтатайық Мақпалды, тоқтау айтып,
Ән орнына кетпесін жоқтау айтып.
Қапияда қанаты қайырылған,
Бұлбұл құсты қосайық топқа қайтып.
Қонышына қайраулы қанжар тығып,
Жүргенменен қанішер жандар бұғып.
Жетім қоғам жетіліп, арайланып
Әлі талай атады таңдар күліп.
Айналайын, Мақпал қыз, қарындасым,
Енді қайтып тағдырың тарылмасын.
Әлпештеген өзіңді туған халқың,
Дауысыңды зарығып сағынбасын.
Қаралысың, білемін жаралысың,
Көз алдыңа елестеп дара мүсін.
Ақ орамал салайын жырымменен,
Қазақ үшін қарағым – бағалысың.
- Азамат Төре
- Азамат Төре
- Али Акбар Деһхода
- Али Акбар Деһхода
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі