Сырбай Мәуленов

Күн сәулесі

Бұл бетте «Күн сәулесі» атты Сырбай Мәуленов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

07.02.2016
0
0
4048

Желмен ұшты жапырақтар,
Саулап түскен сары алтындай.
Желмен ұшты жапырақтар
Самұрықтың қанатындай.
Боз киіктей зырлап қашқан,
Батады күн бұлтқа барып,
Боз қыраулы жылайды аспан,
Жерді мөлдір шыққа малып.
Күн сәулесі қалып еді
Егін өскен жерде ұйып,
Түнде де жер жарық берді
Жинады астық ел жиылып.
Күн сәулесі жатыр тұнып,
Сарыарқаның жазығында;
Сары бидай қауызында,
Егіндіктің аңызында.

Cырбай Мәуленов өлеңдері Күн сәулесі өлеңі

Пікірлер (0)

Пікір қалдырыңыз

Жиі қойылатын сұрақтар