Астана

Бұл бетте «Астана» атты Ауыт Мұқибекұлы жазған өлеңнің мәтіні толық жарияланған.

Жайқалып желегі,
Кеңейіп көлемі,
Астанам күн санап,
Көркейіп келеді.
Шабытым тұр тасып,
Жүрмін ән шырқасып.
Ақордам алыстан,
Тұр, әне, нұр шашып.
Кетпейтін мүлде естен,
Менімен бірге өскен,
Бәйтерек бар тағы,
Аспанмен тілдескен.
Бабалар мүсіні,
Тартады кісіні.
Гүлдер де жайқалды,
Әр алуан пішіні...
Баламыз бағы бар,
Жоғымыз табылар,
Бәрінде Нұр атам,
Қолының табы бар.


Пікір қалдырыңыз

Пікірлер (0)

Осы автордың басқа өлеңдері