Өлең, жыр, ақындар

Биік таулар

  • 07.02.2016
  • 0
  • 0
  • 3612
Биік таулар, шық алға,
Биік таулар шығанда.
Биіктесең есіңнен
Бірақ мені шығарма.
Тілемеген шығармын
Тілеуіңді бекер мен.
Тұғырың боп тұрармын
Сені биік көтерген.
* * *
Күндері үшін керемет келешектің,
Талай күннің азабын көрешекпін.
Сезімімді, жанымды жырға құйып,
Мен еліме көп нәрсе берешекпін.
Жыртам жырдың әлі тың аңыздарын,
Күйем ыстық отына тамыздардың.
Ауасы үшін, жері үшін, сулары үшін
Мен еліме мәңгілік қарыздармын.
Жүрек соғып кеудеде тұрғанында,
Елім үшін түсемін мың жалынға.
Жүйрік жырдың бір самғап қанатымен,
Жетемін мен болашақ жылдарына.


Пікірлер (0)

Пікір қалдырыңыз

Комбайншының баласы

  • 0
  • 0

Арқасын аптап күн қарып,
Ақ жүзі желге тотыққан.
Еңбекпен дала суарып,
Ерлікке оны оқытқан.

Толық

Бақыты үшін баланың

  • 0
  • 0

(Дүйсенге)
Майданнан алғаш келдім де,
Көйлекті тастап, жуындым.
Жаралы қолды көрді де,

Толық

Үнсіздік

  • 0
  • 0

(Мұхтар Әуезов қабірінің басында)
Ұлы деп мәңгі-бақи аталатын,
Аяулы жанның іштей атап атын.
Басында қабірінің тұр халайық

Толық