Өлең, жыр, ақындар

Наушеруан аңда жүріп киік атқан...

  • 15.04.2015
  • 2
  • 1
  • 7224
Наушеруан аңда жүрiп киiк атқан,
Аң етiн жемек болып асып жатқан.
«Ет пiскенше тез кел‚ – деп бiр жолдасын,
Тұз әкел»,– деп жұмсапты бiр қышлақтан.

Қайтадан шақырып ап талай жерден:
«Тұзды тегiн алма»,– деп әмiр берген.
«Шымшым тұз бiр тиынға татымайды,
Бұ қалай?» – деп уәзiрi тұра келген.

Наушеруан айтқан сонда: «Ей, уәзiрiм,
Айтайын, жақсы тыңда мұның сырын.
Басшы алса бiр алманы баға бермей,
Қосшы құртар алманың түп тамырын.

Мен алсам елдiң жалғыз жұмыртқасын,
Кесерсiң мың тауықтың сендер басын.
Сүйте-сүйте ашылып арандарың,
Ағызарсың бұл елдiң қанды жасын».

Жебiр ұлық халқынa қас қылады,
Көңiлiн шерлi, көздерiн жас қылады.
Қиянат қылдай iстен басталмақшы,
Ескермесе, аз науқас асқынады.

Mал, мансап адамзатты маc қылады,
Мейiрiмдi ет-жүрегiн тас қылады.
Тәкаббар, әдiлетсiз залымдарды
Бағы қайтқан сорлы елге бас қылады.

Шын атын Наушеруанның ел бiлмейдi,
Тiлi келмей «Мұcырауын әдiл» дейдi.
Ақжүрек әдiлдердiң қылығы анау,
Жебiр ұлық зарлатып елдi жейдi.

Мұны айтсаң, алатындай тiлдi кесiп,
Мақтанады менен кiм әдiл десiп.
Теңдiктiң атын естiп, дәмiн татпай,
Өтемiз де жүректi қайғы тесiп.



Пікірлер (1)

Пікір қалдырыңыз

Ақылдан ойға сыр тарап...

  • 1
  • 0

Ақылдан ойға сыр тарап,
Үмiттiң шамы жанған күн,
Жар есiркеп берi қарап,
Нұрына жүрек қанған күн.

Толық

Махаббат пен құмарлық

  • 0
  • 0

Ашылған көз тұра ма бiр зат көрмей,
Миға хабар бермей ме түсi өзгермей.
Әдейiлеп көрейiн демесең де,
Қарсы алдыңа қоя ма түк кез келмей?

Толық

Ойлансын ұлан болса сөз ұғарлық...

  • 1
  • 3

Ойлансын ұлан болса сөз ұғарлық,
Ақылдың шолғыншысы – ойқұмарлық.
Таза талап талпынып ойды айдаса,
Байқалар көрнеу, таса, жоқ пен барлық.

Толық

Қарап көріңіз