Өлең, жыр, ақындар

Қыз-әуен

  • 03.03.2016
  • 0
  • 0
  • 4176
Әсемдіктің бағында жаралғандар,
Нәзік-болмыс, гүл-үміт, ақ армандар.
Жігіттердің бақытын жырлай жүріп,
Өз бақытын сол әннен таба алғандар.

Сұлу да біз, ару да біз дегендер,
Арманынан мақсатын іздегендер.
Ілінсе де кірпікке мұң тамшысы,
Сезімінен үмітін үзбегендер.

Әдемiлік ауылын қалағандар,
Сұлулықты дегендей бағалаңдар.
Арман жолда алдымен махаббатты
Бәрінен де биік деп санағандар.

Өмір кейде есейтіп балғын гүлін,
Мұңның жүгін аруға қалдырды мың.
Соқпағы да жіңішке мына әлемге
Көтеруге келгендей ардың жүгін.

Болса-дағы жүректе тамшы басым,
Қайратыңның рухын қамшыларсың.
Сазға ғашық жүрекке гүл егіңдер,
Сендер жайлы айтылар ән шығарсын.

Қадірлесін әр кезде біріңді мың,
Кешегімен жалғасып бүгінгі ұғым.
Бұл өмірге еркелеп жүрсең-дағы,
Ойлайсың ба бақыттың шымылдығын.

Бар тілегі жататын талғамында,
Арман болып сезімі жанған ұлға.
Қос әуенді қашанда үйлестіру -
Мына өмірде сендердің қолдарыңда.

Үміт, сенім жанынан табылады,
Қандай баққа белгісіз жолығары.
Жалғыз салған әндері мұңлылау,
Қос дауыста шырқалсын өмір әні.



Пікірлер (0)

Пікір қалдырыңыз

Енді олардың бірге өмірі, әнге толы бір кеші

  • 0
  • 1

Ұластырып бір шаттыққа күндері мен түндерін,
Ілестіріп қуанышқа думан сүйер дүрмегін.
Бабалары шежірелі тектен тарап өрбіген
Бір әулетке түсіп жатыр тағы, міне, бір келін.

Толық

Бауырдың бауырға тілегі

  • 0
  • 0

Бойжеткеннің 18 жасына арналған тілек
Қарындасым!
Бүгін, міне, сен үшін
Аспан нұрдан әшекейін тағынды.

Толық

Жас ұстазға тілек

  • 0
  • 1

Талабыңмен танып білген ілімді
Қолдандың да, ұстаз болдың бүгінгі.
Жүрегіңді білім-нұрға билетіп.
Жүрсің-дағы шәкіртке сыр үйретіп.

Толық

Қарап көріңіз

Басқа да жазбалар