Өлең, жыр, ақындар

Ойдан шығарылған бар түрлі әндерім

  • 15.04.2015
  • 1
  • 1
  • 16417
Үйрен, білсең әннің мәндерін,
Дәл толқындарын толғап, бұлжытпай,
Келтір кемеліне сәндерін.

Ән менен күйдің тілі – үн,
Ұқпасаң оны, саған мін.
Жасыңнан талаптан білуге сырын,
Жете ұғып алған соң,
Жарасады әнге қоссаң жырын.

Мұңлы, зарлы үндер еріксіз жылатар,
Қамыққанды кейі жұбатар.
Ой, ақылымды қозғар ән-күйді
Жаным жай тапқандай ұнатар.

Маңызсыз айғай ән болмас,
Татымды онда мән болмас.
Сазды үнмен билеп ал тыңдаушы ойын.
Елжіретіп жүрегін,
Әсер беріп, ән балқытсын бойын.

Әсем әннен ғажап ләззатты үн шығар.
Ойы сергек оны жан ұғар
Бар сезіміңді билер ән-күйге,
Жастар, тілімді ал, бол құмар.

Үн сырын сезер адам аз,
Айғайға құры болар мәз.
Ұқпайды тас құлақ ән мен күй мәнін.
Сезер ме еді, оларға
Салып берсе Сиреннің әнін?

Гомер ән сиқырын көрсеткен Сиреннен,
Қиялдаған оймен тереңнен.
Ол әннің жайын ашып берумен
Күткен сондай әнді өреннен.

Шығардым әндер жаңалап,
Саларсың сынға саралап,
Жараса, ойладым, әншілер салсын деп.
Белгі болып бір мұра,
Кейінгіге әнімнен де қалсын деп.



Пікірлер (1)

Пікір қалдырыңыз

Сорлы бұлбұл жазға асық боп...

  • 1
  • 1

Сорлы бұлбұл жазға асық боп,
Нұрлы гүлге айтты зар.
Көбелек те шамды алам деп,
Отқа түстi боп құмар.

Толық

Қасқыр, түлкі, бөдене

  • 1
  • 1

Бір қу түлкі болыпты жұртты құртқан,
Тышқан аулап жейді екен ескі жұрттан.
Жем таба алмай бір жылы арықтапты,
Тышқан ауып кеткен соң мұқым сырттан.

Толық

Жарымды жаным сүйді, сүйе алмай тәнім күйді

  • 1
  • 2

Таза арақты әкел, шырақ,
Болайын қайғыдан жырақ.
Бойым – еркiн, ойым – ұжмақ,
Тiлiм – бұлбұл, сөзiм – бұлақ!

Толық

Қарап көріңіз