Өлең, жыр, ақындар

Сүйгенің сатып кетсе егер

  • 08.05.2016
  • 0
  • 0
  • 3697
Түскенде өзің еске өлең,
Күтуші ем сені кеште мен.
Жаным-ау, сенсең азапты,
Дәл мендей ешкім кешпеген.

Қол бұлғап талай қайғы алдан,
Мұңды бір жанға айналғам.
Теңеуші ем сені жібекке,
Кем көрмеуші едім Айманнан.

Қазір де мұңлы күйде өлең,
Жанымды азап билеген.
Бір сені білсең әлі ешкім,
Дәл мендей ессіз сүймеген.

Көрмеген ешкім тозақ қып,
Махаббат деген-азаттық.
Тәлкекке соны салар көп,
Сезімсіз жандар мазақ қып.

Бақытын таппай іздеген,
Құлазып кеттім күзбенен.
Жарқыным, әлі жоқ шығар,
Дәл мендей сені іздеген.

Түсінгін, мейлі, түсінбе?
Есімде жүрсің, түсімде.
Кінәлі мен-ақ болайын,
Сүйгенім сені үшін де.

Кездескен сәттер кештегі ең,
Бәрін де, жаным, ескерем.
Келмейді екен күй қайтып,
Сүйгенің сатып кетсе егер.



Пікірлер (0)

Пікір қалдырыңыз

Сенің даусың естілді мені іздеген

  • 0
  • 0

Салмақ тастап салқындау сезімге ерен,
Телефоным тынбайды безілдеген.
Трубканы алып ем ар жағынан,
Сенің даусың естілді мені іздеген.

Толық

Кім ұрлады сендегі қуанышты

  • 0
  • 0

Алды артын ойламайтын алаңғасар,
Мен де саған болдым ба,адам нашар.
Өкпелетіп алдым ба, өкіндім мен,
Жолын таппай қалай бір хабарласар.

Толық

Не болып кетті

  • 0
  • 0

Не болып кетті дүние,
Қол үзгенім бе сенен мен?
Шақтарым сирек шатыққа қазір бөлеген,
Амалым қанша, алыстап менен кеткен соң.

Толық

Қарап көріңіз