Өлең, жыр, ақындар

Сен қашан келер екенсің...

  • 07.05.2016
  • 0
  • 0
  • 2769
Демеші, қалқам, екен сұм,
Өзіңді сүйген екем шын.
Сағынған мені қуантып,
Сен қашан келер екенсің?..

Сұрадым сені күннен де,
Сұрадым сені түннен де.
Аларын білмей алжасқан,
Ақылдым, айтшы, бір мен бе?..

Күнімді жалғар бір күнге,
Есімде бәрі, күлкің де.
Табынтқан ерен өзіңе,
Ұмыту сені мүмкін бе?

Өтті ғой талай апталар,
Күткелі жақсы хат-хабар.
Бақытым, барым, қайдасың?
Жанымды жәннәт баққа орар.

Жүректі жаулап барша мұң,
Күткелі сені қанша күн.
Күндіз де, түнде сені ойлап,
Жарқыным, келші,шаршадым.

Демеші,қалқам, екен сұм,
Өзіңді сүйген екем шын.
Сағынған мені қуантып,
Сен қашан келер екенсің..



Пікірлер (0)

Пікір қалдырыңыз

Сүймесем сені егер мен

  • 0
  • 0

Тартса да тағдыр, тауқымет талай,қайғы алдан,
Құтылмай қойдым сен жайлы мың-сан ойлардан.
Сусындай алар күн бар ма, жаным, бірге біз,
Бұлақтай мөлдір махаббат атты қайнардан.

Толық

Сезім сергелдеңі

  • 0
  • 0

Мен жүрсем санап жаныңды сенің арай шын,
Сезімді неге сағымға әкеп орайсың.
Қуанту үшін жүрсем де іздеп күн сайын,
Неліктен қабылдамайсың?

Толық

Сенің даусың естілді мені іздеген

  • 0
  • 0

Салмақ тастап салқындау сезімге ерен,
Телефоным тынбайды безілдеген.
Трубканы алып ем ар жағынан,
Сенің даусың естілді мені іздеген.

Толық

Қарап көріңіз