Өлеңдер Бөлімі

Жеңге тілегі

  • admin
  • 23.06.2016
  • 0
  • 0
  • 16965
Аға барда жайыңды әр кез ұғатын,
Сондықтан да бағаң биік тұратын.
Сен де енді мақсаты мол өмірден
Қалап апсың қыз жолының мұратын.

Шежіресін тауыспастан өтпек күн,
Тәлімі бар сені өсірген мектептің,
Ерке болдың, кішкентай ең, ақылды ең,
Сондықтан да сіңлімдей боп кеттің.

Байқап тұрмыз бақыт жолдың келгенін,
Болмасын деп қалағанмын сенде мұң.
Енді осынау ұлы тойдың үстінде
Лебізін ұқ саған тілер жеңгенің.

Осы жолда басыңа әр кез бақ қонсын!
Жас шаңырақ иелері шат болсын!
Қол ұстасып қадам басқан өмірге
Жұбайлардың жолы нұрлы, ақ болсын!

Көштеріңе мұңның бұлты ермесін!
Қос жұбайды бақыт әні тербесін!
Шаңырақтан бақыт шамы сөнбесін!
Босағадан еш жамандық енбесін!

Сезімдерің қатар лаулар от болсын!
Көңіліңнің уайымы жоқ болсын!
Бағаларың қай жерде де биіктеп,
Сендер үшін тілекші жан көп болсын!

Мақтаса жұрт өздеріңді мақтасын,
Әр жылыңда болсын әр кез бақ басым!
Үлкендерге қызметтерің жасаған
Ата-ананың ақ үмітін ақтасын!

Көбейіңдер, аман болсын мал-басың,
Көрсін жұрттар жақсылықтың жалғасын!
Аппақ отан - ақ отауды бүгінгі
Демеп, жебеп тәңір өзі қолдасын!

Қыз бойжетер, осылайша өтпек күн,
Ізіме ерген сіңлімдей боп кеттің.
Міне, сен де бақ жолының шыбығын
Махаббаттың қалауымен көктеттің.

Сол бақ шыбық биік болып көктесін!
Басқа қонған бақыт сенен кетпесін!
Баянды бол қол ұстасқан жарыңмен,
Бақтың жолы ақ отауға беттесін!

Ерке едің, ақылдысың бірақ та,
Енді ұзап бара жатсың жыраққа.
Осы жолың апарсын деп тілеймін
Сен іздеген, сен тілеген мұратқа!

Ертеңіңе ұлассын да бүгінің,
Келсін алдан сендер күткен ұлы күн!
Бақытты бол, ағасына қарындас,
Сырласым боп кеткен қайын сіңлім!


Ұстаз тілегі

  • 0
  • 1

Жылдар бір жылдарға жалғанып,
Зыр қағар уақыт жүрдек-ті.
Мінеки, ұядан қомданып,
Түлегі ұшатын күн кепті.

Толық

Әке-Ана

  • 0
  • 0

Уыздай перзент атты гүл-шыбықтың
Үнінен уілдеген бір сыр ұқтың.
Мына өмір, мына әлемде Сендер барда
Бағасын білдім ғажап тіршіліктің.

Толық

Болмысы асқақ бабалар

  • 0
  • 0

Өтсе де ғасыр бір күннен асып бір күнің,
Басталған екен елдігің сонау жыл бұрын.
Ордаңды тіктеп, шаңырақ көтерген кезіңді
Санада сақтап, айшықтап жазған күн бүгін.

Толық

Қарап көріңіз


Пікірлер (0)

Пікір қалдырыңыз

×