Өлең, жыр, ақындар

Үйлену тойы

  • 30.08.2016
  • 0
  • 0
  • 26794
(Жас жұбайларға жақындарының тілегі)

Өмірдің сыры махаббатпенен астасып,
Қосылды жастар, бойдақ күн қалды қоштасып.
Осынау күнге куә боп отыр ағайын,
Мінеки, бүгін бақытын тапты қос ғашық!

Үйлену тойы, өмірде әлі сының бар,
Осынау жолда біріңді-бірің ұғыңдар.
Қиындық сәттен сендерді алып шығатын
Жарыңды жар боп түсіну деген ұғым бар.

Тағдырларыңда болмасыншы енді сағым күн,
Қуандың бүгін, шаттықтың гүлін тағындың.
Бақытым ұзақ болсыншы десең, жұбайлар,
Жүрегін ұқ та, көңіліне қара жарыңның.

Куәміз бүгін, махаббат таңы атыпты,
Ағайын, дос боп күткенбіз осы уақытты.
Сезім көгінде жүрегі бірге қос ғашық
Осынау жолда болсыншы енді бақытты!



Пікірлер (0)

Пікір қалдырыңыз

Мұғалімдер

  • 0
  • 1

Мұғалімдер - ұстаз атты аңсар ән,
Жандар солар білім үшін жар салған,
Жандар солар қыркүйегінде көш түзеп,
Төл мейрамын қуанышпен қарсы алған!

Толық

Мәдениетті қолдау жылы

  • 0
  • 0

Өмірдің көп екен-ау бұралаңы,
Осы еді тақырып қып құрағаны.
1910 жыл – алғаш рет
Өмірге келді қазақ романы.

Толық

Той тілегі

  • 0
  • 0

Дүние-думан әлемді сан айналып,
Жеткендей дүбірлі той тағы айналып.
Жұбайлардың көңіліне шуақ шашты,
Басталды бақыт тойы арайланып.

Толық

Қарап көріңіз