Сунақтың сұлу қыздары

Бұл бетте «Сунақтың сұлу қыздары» атты Фариза Оңғарсынова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 06.10.2016
  • 0
  • 0
  • 10450
Жігіттер, шағын мынау жырлап қалар,
салдықпен сұлу құшар, сырды ақтарар!
Қиғаш қас, құралай көз қыз іздесең,
сенделме, селтеңдеме - Сунаққа бар!
Қартаяр сүймеген жан жасы жетпей,
бұл да бір басқа түскен қасіреттей.
Сунақтың тобылғы төс сұлулары
қоймайды, жігіт болсаң, ғашық етпей!
Сунақтың жері - жұмақ, дала-бағы,
перзенті періштедей дара бәрі,
жаны мен тәні таза мұндай ұрпақ
тек қана құштарлықтан жаралады!
Сейіліп көңілдегі көп күдігім,
менің де шаттанатын жетті күнім.
Осында көргендеймін даламыздың
ертегі сұлулығын, тектілігін.
Мәніңді тоңазытқан мұз-жалғанда
суынып сезім-алау, сыздар жан да.
Сұйылмас, суымас та ұрпақ қаны,
Сунақта жаны шықтай қыздар барды!


Пікірлер (0)

Пікір қалдырыңыз

Жиі қойылатын сұрақтар

Сунақтың сұлу қыздары өлеңінің авторы кім?

Фариза Оңғарсынова — осы өлеңнің авторы.

Сунақтың сұлу қыздары өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Сунақтың сұлу қыздары өлеңі не туралы?

Бұл өлеңде Фариза Оңғарсынова өз ойы мен сезімін көркем түрде жеткізеді.

Сунақтың сұлу қыздары өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері