Фариза Оңғарсынова

Туғандай дүниенің нұр шақтары

Бұл бетте «Туғандай дүниенің нұр шақтары» атты Фариза Оңғарсынова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

22.10.2016
0
0
8799

Туғандай
дүниенің нұр шақтары,
ән кетті
Атыраудан шырқап тағы!
Күмбірлі күй
төгеді, жыр төгеді
Исатай -
Махамбеттің ұрпақтары!
Атырау кен
байлықтың кіндігі еді,
қалайша
сайрамасын жыр-жүрегі!
Жайықтың
аққуындай мың бұралған
Дина мен Қыз
Жібектің сіңілері.
Алтын Күн бақыт
шашып туғанда алдан,
еңбекпен,
ерлікгермен шындалды арман.
Ақ тілеу
замандасым, сәлем сізге
Атырау,
Жайықтағы туғандардан!
Атырау,
Ақжайықтың өнерлі елі,
күй төгіп, ән
шырқайды өрендері,
Балықты, мұнайлы елде, шүрайлы елде
өнермен ұласады Ер еңбегі!
Дүниеден ел
кәшеді қалмаса әні,
өнерсіз адам
жанын шаң басады.
Халқымның ән мұрасы, күй мұрасы
осылай ұрпақтарға жалғасады!

Туғандай дүниенің нұр шақтары Фариза Оңғарсынова Фариза Оңғарсынова өлеңдері

Пікірлер (0)

Пікір қалдырыңыз

Жиі қойылатын сұрақтар