Өлеңдер Бөлімі

Әке ғой қашанда анық асқар тауың

  • admin
  • 05.12.2016
  • 0
  • 0
  • 8119
(Әкенің ұрпақтарының әкенің 80 жасқа толған тойына шақыруы)

Айтылып жүректердің иманды әні,
Мол болсын тағдырдың да сыйлар бағы.
Шаттығын шаңырақтың бөлісуге
Тілекші ел отыр тағы жиналғалы.

Сіңірер өнегесін жастарға мың,
Әке ғой қашанда анық асқар тауың.
80-ке толып бүгін аяулы Әке,
Ұрпағы жайды шаттық дастарқанын.

Айтқанда той хабарын елге бүгін,
Болмасын ақ тілек пен әнде тыным.
Келіңіз, той шаттығын бөліс бірге,
Ағайын, қадірлі қарт әулетінің.

Көрсете алғаннан соң таным-білік,
Талай белес бұл жолда алынды нық.
Қарты бар үй - қазына, әкеміз де
Шықты асуға сексенді бағындырып.

Қастерлі жан 80-ге келді, міне,
Шақырамыз сол тойға елді, міне.
Әкеміз сүріп өмір мағыналы,
Шалдықпай жетті сексен сеңгіріне.

Куә боп соны ел де сезінеді,
Ұқты әке сыйлайтынын өзін елі.
Сондықтан ел-жұртына сауын айтты
Сексеннің биігінде шежірелі.

Еске түсіп елмен сан ұғысқаны,
Аға - ақылшы, болды іні - тыныс бағы.
Енді бүгін солардың басын қосар,
Тойға келсін ағайын, туыс - бәрі.

Ойлайтын үлкендер бар жастар қамын,
Арнайды тойға лебіз достар да әнін.
Құда-жекжат, нағашы, жиен - бәрі
Сезінсін осы шаттық дастарқанын.

Артады әке бүгінде сенімді елге,
Бұл тойың болады ортақ сезінгенге.
Қоссын басын шаттықта аға-жеңге,
Келсін тойға іні мен келіндер де.

Жырласын ел көңілі марқайғасын,
Шаттық толы кеуделер қартаймасын.
Ағыл-тегіл тілекке толып орта,
Қуаныштың қазаны ортаймасын!

Жүректерден сырыңды ақтарғайсың,
Суырыла көрінер топтан қайсың.
80-інде әкейдің тойына деп,
Тойлы ауылды, тілекші ел, бетке алғайсың.

Келсін бала үлкенге ілесіп ап,
Ол да бүгін тілеуін тілесін ақ.
Кел, ағайын, бұл тойдан мәнді өмірдің
Қайтпаққа мағыналы үлесін ап.


Мұғалімдер күні бүгін

  • 0
  • 0

Мұғалімдер күні бүгін, күні ұстаздың шаттанған,
Шәкіртіне дем бергізген, жеткізеді деп баққа арман.
Ұстаздардың күні бүгін, бар тілегі өмірде
Сол шәкірттің өрге жүзген еңбегімен ақталған.

Толық

Азаттық деген - болашақ

  • 0
  • 0

Азаттық деген не десең,
Арманы елдің жайдары.
Кеңеюі үшін керегең
Кеңескен баба ойлары.

Толық

Достар тілегі

  • 0
  • 0

Сен туған күн жүзге нұр боп бірге енді,
Шаттық күнді тойлайтұғын күн келді.
Сол үшін де барлығымыз қуанып,
Достығымыз жаңарған бір түрге енді.

Толық

Қарап көріңіз


Пікірлер (0)

Пікір қалдырыңыз

Басқа да жазбалар

×