Өлең, жыр, ақындар

Тәуелсіздік – тәуекел

Ғасырлар үнін жаңғыртып жеткен бостандық –
ғасырлар бойы зарығып жүріп тосқан құт.
Аңсаған арман қанатындағы бір үміт –
Азаттық оты өшпесе екен деп жасқандық.
Сол үшін боран, дауылды тосып кеудемен,
сол үшін ақ қар жамылып, көк мұз жастандық.

Ананың сүті сіңірген бойға тілі үшін,
бабадан жеткен құдіретті күш – діні үшін,
шетсіз де шексіз кең-байтақ Ұлы далада
еркіндік кешкен, самалдай ескен күні үшін,
қасқайып тұрып қарсы алған қара түнекті,
қазағым менің – қайсарым, елім – ірі, шын!

Тәуелсіздігім – тәуекел, түбі – ырысым,
қырандай самғап, кеңіткен кеуде тынысын.
Қарашаңырақ астына жиған Отаным
тағдыры, тіні, танымы өзге ұлысын.
Қасиет тұнған бойынан қазақ жұртының
тектілік көрді Батысым менен Шығысым.

Жайдары жаздың шуағын құшсын алашым,
көктемнің гүлі көркейтсін дархан даласын.
Жаратқан Тәңір оятсын ұрпақ санасын,
ұлағат тұтар ұлықтары менен данасын.
Баянды қылсын егемен елдің ертеңін,
бақытты етсін қазақтың әрбір баласын!



Пікірлер (0)

Пікір қалдырыңыз

Мұқағалиға арнау

  • 0
  • 1

Алай-дүлей сезімің аласұрды,
арнасынан тасытып бар асылды.
Алатаудай көретін жанашырды
ақиығым, жаралған дара сырлы.

Толық

Қазақтың асылы

  • 0
  • 0

Аңсап келген "Атажұртым, тегім" деп,
"Ата-бабам қимай кеткен елім" деп!
Тағдырымен таңғалдырған тарланның
Таңбасы бар атамекен жерінде.

Толық

Байтақ жерім

  • 0
  • 0

Сауыр, Сайхан сауырында
Кіндігімнің байлауы бар.
Тарбағатай бауырында
Бірлігімнің қаймағы бар.

Толық

Қарап көріңіз