Өлең, жыр, ақындар

Жамбыл жүзге бекер келген жоқ шығар

– Жамбыл жүзге бекер келген жоқ шығар, -
деп біреулер жақсылыққа топшылар.
Аз ба, көп пе – тағдырдың ол жазуы,
Хас талантта – жоқшы бар.

Әркім қолы жеткен жерге тоқсынар,
әркім шама-шарқысымен бақ сынар.
Бірақ, бүгін мойындайтын бір-бірін,
хас таланттар жоқ шығар?!.

– Абаймын – мен! – деді біреу асқынып,
– Шәкәріммін! – деді бірі бәс тігіп.
Кеудесінде бір тұтам жоқ қарауға,
жан ашыды,
жанарыма жас тұнып.

Мұқағали болғысы бар біреудің,
Жұмекен боп төгілдірді біреу «мұң».
Қарашығы тоқтап қалған жансызға,
я жыларын,
я күлерін білер кім?

Мықтымсуы керек емес біз үшін,
көсемсініп сөйлегенде – ір шын.
Беу, Жаратқан!
Естіртпеші бұларды,
жөндей алмай жүрген жүріс-тұрысын.

«Пірадарлар»,
«Данышпандар» ақылы –
құрысыншы...
Өздерімен құрысын...



Пікірлер (0)

Пікір қалдырыңыз

Тәуелсіздікке тәу ету

  • 0
  • 1

Ағыл да тегіл арындап арман ағысы,
бүтіндеп бойын бүрленді бүкіл бақ іші.
Жанданып жатыр жарасын жалап жазатын
табанын тұздан тоздырған түздің тағысы.

Толық

Ана

  • 0
  • 11

Нұрын төккен күндейсің,
жылытатын жерімді.
Хош иісті гүлдейсің,
көркейтетін төрімді.

Толық

Мұқағалиға арнау

  • 0
  • 1

Алай-дүлей сезімің аласұрды,
арнасынан тасытып бар асылды.
Алатаудай көретін жанашырды
ақиығым, жаралған дара сырлы.

Толық

Қарап көріңіз