Өлең, жыр, ақындар

Өмір сүргім келеді

Жастық әнін салдырған,
Жанға ләззат қалдырған,
Балаусалы балдырған
Өмір сүргім келеді.
Бақыт шамын жандырған,
Қызығына қандырған,
Ғашықтыққа жан құрбан,
Өмір сүргім келеді.

Ай-хай, өмір-ай,
Пай-пай, көңіл-ай.
Қайран өмір-ай,
Сайран көңіл-ай.

Сезім берген жауындай,
Өр мінезді дауылдай,
Тәттілігі қауындай
Өмір сүргім келеді.
Арайланған таңымдай,
Сағындырған ауылды(-ай),
Ағайындай, бауырдай
Өмір сүргім келеді.

Болашағын бағатын,
Бойтұмарын тағатын,
Өзендей боп ағатын
Өмір сүргім келеді.
Таусылғанша тағатым,
Тоқтағанша сағатым,
Күнге қанат қағатын
Өмір сүргім келеді.



Пікірлер (0)

Пікір қалдырыңыз

Жақ пен тілім жаңылма!

  • 0
  • 0

Ерте, әлде, біреуден кеш тая ма,
Бақыт, шіркін, уақытқа дес қоя ма?!
Нәпсісінен күйреген нәумездердің
талай шағын көрдім ғой, есте, аға.

Толық

Мәңгілік Ел

  • 0
  • 1

Аспанның нұрланып ажары,
Тасытты береке қазанын.
Азаттық қыранын самғатып,
Әлемнің аудардық назарын.

Толық

Ақынды іздеу

  • 0
  • 0

Басынан өткерген бұл алай заман,
қазақтың ертеңіне қарайлаған.
Ұлтымның ұлылығын ұлықтаған
айналдым аруағыңнан, Абай бабам!

Толық

Қарап көріңіз