Ерлан Ахмет

Байтақ елім

Бұл бетте «Байтақ елім» атты Ерлан Ахмет жазған отан туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

Erkalamger
29.12.2016
0
0
6024

Сауыр, Сайхан сауырында
кіндігімнің байлауы бар.
Тарбағатай бауырында
елдігімнің қаймағы бар.
Катоным мен Нарынымда
қарағайлы аймағым бар.
Самал ескен Самарымда
жазиралы жайлауым бар.

Абыз Абай туып-өскен
Қарауылым – жайсаң елім.
Семей, Үржар – туын көштен
қалдырмаған қайсар елім.
Аягөзім нұрын сепкен,
Мақаншым бар – айбар елім.
Бесқарағай нуын кешкен
арыстарым, байтақ елім.

Марқа, Күршім сағым тұнған
мөлдірімен мақтанамын.
Сұлу Жарма сағындырған
Қалбатауға аттанамын.
Көкпектіммен, жалын жырдан
Ұланыммен шаттанамын.
Жаратылған алтын нұрдан
Шығысымнан бақ табамын.

Шығыс Қазақстан облысы туралы байтақ елім Ерлан Ахмет өлеңдері

Пікірлер (0)

Пікір қалдырыңыз

Жиі қойылатын сұрақтар