Өлең, жыр, ақындар

Байтақ жерім

Сауыр, Сайхан сауырында
Кіндігімнің байлауы бар.
Тарбағатай бауырында
Бірлігімнің қаймағы бар.
Катоным мен Нарынымда
Қарағайлы аймағым бар.
Самал ескен Самарымда
Жазиралы жайлауым бар.

Арыстарым туып-өскен
Өскеменім жайсаң жерім.
Адал еңбек туын көштен
Қалдырмаған қайсар елім.
Таңғы арай нұрын сепкен
Таулы Үлбім - айбар елім.
Шеманайдың нуын кешкен
Абыздарым - жайдары елім.

Марқа, Күршім сағым тұнған
Мөлдірімен мақтанамын.
Сырлы жандар сағындырған
Алтайыма аттанамын.
Шабыттанып жалын жырдан
Ұланыммен шаттанамын.
Жаратылған алтын нұрдан
Шығысымнан бақ табамын.



Пікірлер (0)

Пікір қалдырыңыз

Жылдан жылға жетейік есен-аман!

  • 1
  • 1

Жыл ішінде он екі ай қатарласып,
бір-бірінің іздерін жатар басып.
Көктем келсе көкорай, көгал іздеп,
көңіліңді көншітер сапарға шық.

Толық

Оралармын бір күні

  • 0
  • 0

Естігенмен көңілің толмайды екен,
көзіңменен көргендей болмайды екен.
Беу, туған жер, жылына бір келгенде,
қуанғаннан сазыңа аунай кетем.

Толық

Ана

  • 0
  • 11

Нұрын төккен күндейсің,
жылытатын жерімді.
Хош иісті гүлдейсің,
көркейтетін төрімді.

Толық

Қарап көріңіз