Мен – қазақтың қызымын (Қазақ қызының монологы) – Бек Байтас

Мен – қазақтың қызымын, дара туған,
Текті аналар рухынан жаратылған.
Күннен сәуле аламын, құлпырғанда,
Айдан нұрға малынам, жаңа туған.

Мен – қазақтың қаракөз аруымын,
Ата-анаға қуаныш, дәруімін.
Мендік намыс, «Қазақ» деп ұрандайды,
Намысымды құлатпас қаруың мың!

Мен – ұлтымның бір кербез сұлуымын,
Жүрегімде тұнған ар, жылуым мың!
Жанарымда жалын бар жарқ ететін,
Сөз талассам жеңе алар жыр-уыңмын!

Бойымда бар Тұмар тектілігі,
Ұмай-Ана ақылы, жетті, міні,
Санамда бір саф әуен әуездеп тұр –
Әлия мен Мәншүктің текті үні!..

Сәулесі боп шолпандай жұлдызының,
Қырдан жиған қызғалдақ қырмызының.
Әсемдігін әрлеген тұла бойға,
Алаш атты арланның бір қызымын!