Өлең, жыр, ақындар

Тойға тілек

  • 05.07.2017
  • 0
  • 0
  • 11282
(әпкенің сіңліге тілегі)

Өмірге сыйлағандай көктем гүлін,
Той болып қуаныш күн жеткен бүгін.
Көтерген құтты болсын шаңырағың,
Тілектес шаттығыңа әпкең бүгін.

Сезеді ел баста бақтың бір күлерін,
Бақыттан тұратын тек күлкі керім.
Мінеки, сен де жеттің өз бағыңа,
Қабыл ал туыстардың бұл тілегін.

Осылай шырқар бақтың бәрі де әнін,
Біледі ел отау оты жағыларын.
Ендеше, құтты болсын осы тойың,
Көтерген биік болсын шаңырағың.

Тілекші ел отау оты жанғанына,
Жете бер жармен бірге арманыңа.
Атанып шаңырақта сыйлы келін,
Бақыттың ізі ілессін соңдарыңа.

Қадірлі болып ауыл-аймағыңа,
Жетіңдер бірге арман-ойларыңа.
Бақытты болда дағы жарыңменен,
Ұлассын тойларың тек тойларыңа.



Пікірлер (0)

Пікір қалдырыңыз

Азаттық деген - болашақ

  • 0
  • 1

Азаттық деген не десең,
Арманы елдің жайдары.
Кеңеюі үшін керегең
Кеңескен баба ойлары.

Толық

Ұл

  • 0
  • 1

Мейірімінен нәр алдыңда жүректің,
Ата - анаңды қайта өмірде түлеттің.
Өйткені сен жақыныңның барлығын
Қуанттың да, мына өмірде шыр еттің.

Толық

Алғашқы қоңырау

  • 0
  • 0

Киімі де, сөмкесі де көркем-ді,
Білім жолда арманы асқақ желкен-ді.
Мектебіне бара жатыр ұлтыңның
Әлиханы, Ахметі ертеңгі.

Толық

Қарап көріңіз