Аллам оған АНА деген ат берген! – Әсел Бимырзаева

Әр ғасырда намыстың қымбат бағасы,
Қымбат алтын дәстүр,салт-санасы.
Жалғап келген сонау отты жылдардан
Бас ием саған ұлылардың АНАСЫ!

Алыс өспес қамыс,қоға жағасынан,
Мұхит – тағы асып кетпес сағасынан.
Тақым қысқан дұғаңа шексіз тағзым
Айналайын батырлардың АНАСЫНАН!

Соқпақ жолға кім шегініп бара алады?!
Шоқтан өткен ер елімнің даналары.
Тілім үшін күресуге рух берген
Ұмытпаңдар, шайырлардың АНАЛАРЫ!

Тарам – тарам тағдырларға мойынсұнған,
Әрбір халық «ұрпағымен көрікті»
Бір ЖАН бар Отан отын өшірмеген
Аллам оған АНА деген ат беріпті!

Мен де бүгін анамын өміріме ризамын
Мен кешегі Мәншүк, Роза,Фаризамын,
Мен кешегі ұшқышың Хиуамын,
Мен бүгінгі депутатпын төріңдегі
Өзгерткен жоғарыда АНА заңын!

Анамның көзі кетті, бірақ батасы бар,
Сол батамен жақсылықты жағалармын.
Жаулығына түйген тілегі бар,
Бәрі,бәрі,бәрі менің АНАЛАРЫМ!
Мына әлемге отсыз-ақ жарық, берген
Жалғасымын Ұлы,Ұлы АНАЛАРДЫҢ!


Бимырзаева Әсел Маханбетқызы
Түркістан қаласы
№17 Ататүрік атындағы мектеп-гимназиясының мұғалімі