Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Әсел Бимырзаева

Жанбаған жалындамайды

Бұл бетте «Жанбаған жалындамайды» атты Әсел Бимырзаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Aikorkem
06.11.2017
0
0
1642

Жанбаған жалындамайды,
Түнек қып мынау маңайды.
Маздаған шоққа үміт бер
Жарық қыл жан сарайды.

Жан сарай нені қалайды?
Алауға нені балайды?
Үміт пен күдік іргеде
Кезегін күтіп қарайды.

Жанып көр тайғақ мұзда да,
Бағыт боп лаула құзда да.
Кешегіні өшірмей
Қалдық қой шырпы біз ғана.

Сөндірме отты жанарды,
Көңілде ниет қаланды.
Үрлегін тағы үрлегін
Кем болмасын үрлеуің.

Лауламасаң алау боп,
Шарпымайсың биікті.
Жассың ғой сен қалау көп
Қуып жетер киікті.

Махаббатта да жалын бар,
Қос жүректе жалындар.
Білімде де жалын бар
Одан да оттық алып қал.

Өрт шығар ұят, намыстан,
Ұшқынын байқар алыстан.
Өршіп кетсе желменен
Сен де одан қалыспан.

Сенім мен еңбек болса егер,
Қасыңда күдік қалмайды.
Үмітке үміт бермесең
Жанбаған жалындамайды.

Бимырзаева Әсел Маханбетқызы
Түркістан қаласы

next жанбаған жалындамайды Әсел Бимырзаева өлеңдері

Пікірлер (0)

Пікір қалдырыңыз

Жиі қойылатын сұрақтар