Сезімсізсің бе?! – Қамзаева Толқын

Сезімсізсің бе?
Жоқ ,Əлде маған солай көріне ме?
Сөздерің өрнек болып өріле ме?

Суық ызғар ескенін сезбей бұлай,
Болса егер сезімің сезінер ем.
Түңерген қара бұлттай жүріп ұдай,
Жылу кетті жайнаған көздеріңнен.

Сезімсізсің бе?
Жоқ, əлде жан ба едің сен жасырын,
Тіл қатып, айта алмайтын өз жан -сырын.

Жүрегіңе көпір салдым мен тікелей,
Бірақ та таба алмадым сезім затын.
Долданған, қаһарлы бір қыстай жүрмей,
Жинасаңшы көктемнің асылзатын.

Сезімсізсің бе?
Жоқ, əлде жүрегіңе құлп қойдың ба?
Өту үшін жалғыз болып жалғаныңда.

Жалғыздықтың иесі тек бір Құдай,
Ал, пенделер тіршілігін жасар жұптап.
Кең далада өзі ұшқан қыран болмай,
Ертерек , жігітім - ау, теңіңді тап.
(Түбінде қалмас үшін тістеп бармақ)