Сен – Абдулла Сакимбай

Сен жазықтысың
шындық деп шырылдағаның үшін
ездердің еркіне жығылмағаның үшін.
Мəні жоқ əнді ұғынбағаның үшін
Сен жазықтысың...

Сен өзімшілсің
Бір қазанда қайнамағаның үшін
Сəтсіздіктеріңді тойламағаның үшін
Өзгелерше ойламағаның үшін
Сен өзімшілсің...

Сен ақымақсың
Жазықсызды жан беріп қорғағаның үшін,
Шындығын тұлғасының толғағаның үшін
Тура жолды дұрыс таңдағаның үшін
Сен ақымақсың.

Деп жасытпақ,
Жігерімді от секілді жалынды.

Өзгелерге болмаса да жағымды
Сен өзіңнің шырқай бергін əніңді.