Өлең, жыр, ақындар

Боз далам

  • 07.07.2019
  • 0
  • 0
  • 1279
Боз iнген дауыс – боз далам,
Ботасын iздеп боздаған.
Баз бiреу көңiлiн толқытып,
Баз бiреу шерiн қозғаған.
Боз жусан иiс – боз далам,
Бозторғай әуен маздаған.
Боз селеу биiк гүл атып,
Боз саулық егiз қоздаған.
Бойжеткен қылық – боз далам,
Айтатын ерке наз маған.
Байлығын шүлен таратып,
Бар кенiн әлi қазбаған.
Боз қоян жымды – боз далам,
Таптаса табан тозбаған.
Бөрiден қорғар үйiрiн,
Боз айғыр сынды азынаған.
Бұлдырық түстi – боз далам,
Бүркiтке жем бола жаздаған.
Қайғың мол мынау ғаламда,
Шаттығың да бар аздаған.
Бозбала мiнез – боз далам,
Сырың көп ешкiм жазбаған.
Азап-мұңыңа таң қалып,
Азаттығыңа мәз болам,
О, боз далам, боз далам!



Пікірлер (0)

Пікір қалдырыңыз

Іздеймін неге...

  • 0
  • 0

«Келініңді түсіруге әзірлен,
Үйленемін»,-дей алмаймын қазір мен.
Қандай жақсы,қандай жақсы бойдақтық,
Көрген қызды қағытатын әзілмен.

Толық

Тұлпар мініп шапқым келер, жан аға?

  • 0
  • 0

– Тұлпар мініп шапқым келер, жан аға?
– Себебі сен, туып өстің далада.
– Жұлдыз болып аққым келер, жан аға?
– Жұлдыз – сәуле құйып өстің санаңа.

Толық

Бірін-бірі адамдардың түсінетін кезі көп

  • 0
  • 0

Бірін-бірі адамдардың түсінетін кезі көп,
Шын бақыттың тани білер, көре білер көзі боп.
Асығамыз жылынуға, лапылдатып үрлеуге,
Байқаусызда қалсақ болды бір жанардан сезіп от.

Толық

Қарап көріңіз

Пікірлер