Азаттық – Саламат Тұрсикеев

Тәуелсіз болдым，тең болдым !
Көркейді өңім бозарған.
Қанатты қағып аспанға
Күніңнен ыстық мұз алам！
Табанды басам берік қып，
Сөйлеймін ана тіліммен
Байқасаң бақыт білінер，
Жымиған менің жүзімнен
Үзілді арқан бұрынғы
Жіпсіз-ақ бізді байлаған，
Тұсауым енді шешілді
Құлпырды жерім，айналам！
Төбеңде тұрған жауыз күн
Пердесін шешті тым баяу
Тәуелсіз болған қазағым
Көкірек ашық енді ояу ！
Жапырақ жайған тал шыбық
Тереңге салды тамырын
Бостандық маған қастерлі
Күнімді көрер азығым
Бірліктің туын алау ғып，
Көтерем енді тау үсті
Мендегі жатқан еркіндік，
Азаттықпенен бір түсті！
Қара да өткен көп күндер
Қалады білем тарихта
Боданда өткен сол күнді
Теңедім соқыр зағипқа，
АЛАШЫМ менің шежіре，дастан бітпейтін，
Бостандық дәмін таңдайға жаңа тигізген，
Қазағым менің өшпейтін мәңгі алтын күн
Кімге де болса нұрымен басын игізген！