Әттеген-ай бұл жалған

Енді қайттім бұл өмірде барлық адам әр түрлі,
Түрі менен қисындары мінездері мың сырлы,
Бірі жақсы, бірі адал, екіншісі сорақы
Болса екен барша адам серілердей жүз қырлы.

Мен үшін бұл асыл арман көкте тұрған жеткізбей,
Қанаттыға қақтырылмай аяқтыға тепкізбей,
Оның өзін елестету әркім үшін бір ғажап
Жүрер едік жаман өмір қиналшықтап өткізбей.

Кез-келгенге қарап өтсең жылы шұрай пәк жүрек,
Бәрі-бәрі күлімсіреп жадыраса, көптен күткен ақ тілек,
Пай-пай шіркін жүректері пәк сезіммен лүпілдеп
Көшеміздің адамдары жүрер еді бәрі тек.

Әттеген-ай мұным жалған, санам оны біледі,
Көремін ғой күн сайын мен, көзім соны көреді,
Жә, Маржан қыз армандама оның болмас ешқашан
Осылайша жүректегі үміт оты сөнеді.

Әр күні сол адамдардың көбі бүгін сараңдық,
Абыройды ойлаймын деп жасап жүр ғой арамдық,
Саналары тұншығып жүр жаман пиғыл арамға
Ал жастардың арасында дамып жатыр надандық.

Имандылық былай тұрсын нақты дінін білмейді,
Нағыз сері батырлардай жарысып-ақ сөйлейді,
Бір іске де ебі жетпей, демі жетпей жүргендер
Ащы шындық айта кетсең сөздеріңе көнбейді.

---