РАҚМЕТ САҒАН, АНАШЫМ

Тоғыз ай құрсағыңда мәпеледің сен мені,
Үш жыл уақыт көтеріп, әлпештедің қолыңда.
Өмір бойы үлгі тұтып, қастерлеймін мен сені,
Алтын анам жаныңдамын, жаным құрбан жолыңда.

Әрбір ақын сені айтып, талай әндер жырлаған,
Менің әнім шырқалатын бір өзіңе арналған.
Алыстасаң сені қатты сағынады балашың,
Өміріме сәуле нұрын шашқан сенсің анашым.

Қорғанымсың, қолдаушымсың, жанымдасың әрдайым,
Жерде жүрген періштемсің, аспандағы сен айым.
Әкешіммен бақытты бол, қуанып жүр данашым,
Бар жүрегім сені сүйер жан жүрегім - анашым.