Өлең, жыр, ақындар

Көңіл саздары

  • 16.01.2018
  • 0
  • 0
  • 2016
Көңіл бір жел толассыз үрлеп ескен,
Сезімім жалғыз бұта шайқалатын.
Жүрек жер ғой, көтерер үндеместен,
Жүрек болып жан шіркін жай табатын.
Құмарлық, нәпсі егіз сезімді ұрған,
Көңіл жеңге, алданғыш арадағы.
Жеңсе ерікті, болар ем өзім құрбан,
Ар бетіне жағылған қара дағы.
Сұлу күлкі сүйкімді-ақ күміс үнді,
Сұлудан бір сұлу бар сиқырлаған.
Маған сәт салып көзін гүл ұсынды,
Гүлдер, гүлдер жанардан ұйқы ұрлаған.
Гүлдер сұлу иіскеп сұқтанамын,
Өмірді гүл деп неге түсінбеймін.
Өмірден өмір болып жүкті аламын,
Мен жалған сұлулыққа кішірмеймін.
Көңіл, сезім құмарлық ар заңынан,
Аспайды, сыртқа шықтап сыр ұрлайды.
Шығар ем, жүрегімнің ар жағында,
Ақыл, сабыр қой-қойлап сыбырлайды.
* * *
Бір күнім өтсе, бір жасым,
Кемігендей екен-ау.
Өмірім имей тұр басын,
Бас ию де бекер-ау.
Күндерім өтпек әрі үдей,
Жауабын жинап алады ай.
Өткен күнгі кәрідей,
Келер күнге баладай...



Пікірлер (0)

Пікір қалдырыңыз

Білсең, маған жел емес, дауыл керек

  • 0
  • 0

Білсең, маған жел емес, дауыл керек,
Дауыл ұлын тербетер тауым бөлеп.
Бағынбастан өзінше өмір сүрер,
Қоныстанып тәнімнен жаным бөлек.

Толық

Үш бала

  • 0
  • 0

Той-тойлаған... жоқ-барды елеместен,
Ұйып тұрған айрандай ел емес пе ем.
Бөлем деме, қазақты “жүзге” бөліп,
Үш баласы ол, бір үйдің ерегескен...

Толық

Қайтіп айтам, ойымды, сезімімді

  • 0
  • 0

Қайтіп айтам, ойымды, сезімімді,
Өзім тыңдай алмасам, өз үнімді.
Қара жерді құламай басып келем,
Үмітіме сүйеу ғып төзімімді.

Толық