Өлең, жыр, ақындар

Ішім өлген, сыртым сау

  • 16.03.2015
  • 2
  • 6
  • 56682
Ішім өлген, сыртым сау,
Көрінгенге деймін-ау:
Бүгінгі дос - ертең жау,
Мен не қылдым, япырмау?!
Өз үйінде өзендей,
Күркірейді, айтса дау.
Кісі алдында кірбеңдеп,
Шабан, шардақ1 және шау2.
Мұндай ма едің ана күн,
Мұның қалай, батыр-ау?
Үш күн арқаң босаса,
Бола қалдың бас асау.
Жан қысылса, жайтаңдап,
Жанды еріткен жайдары-ау.
Жан жай тапса, сен неге
Жат мінезсің жабырқау?
Ұрлық пенен қулыққа,
Байлағанда, кестің бау.
Берерменде бесеусің,
Аларманда және алтау.
Топ болғанда көрерсің
Түрлі дауды жүз тарау.
Аяғында сендейлер,
Көрмей жүр ме қанталау?
Қайтып келер есікті,
Қатты серіппе, жарқын-ау!
Жетілсең де, жетсең де,
Керек күні бір бар-ау.

1 Дәрменсіз
2 Тосырқап, тоқырап қалу



Пікірлер (6)

Нургул Сериккызы

Өте керемет.Мәнерлеп окуга катысатын едим жаксы болды го.Осы оленмен бас жулде алам деген умиттемин

Нургул Сериккызы

керемет

Кеңес Сабина

Абай Құнанбаев ең керемет ақын

Myrza

Өте керемет өлең

Папасының жалғыз гүлі

Абаи Құнанбаиұлы Қазақстандағы ең керемет ең алғашқы жазушысы .Бәрімізге Абаи атамыздың жолын берсін ..

Mejowoo

Өте керемет және терең мағыналы өлең....

Пікір қалдырыңыз

Сенбе жұртқа, тұрса да қанша мақтап

  • 1
  • 26

Сенбе жұртқа, тұрса да қанша мақтап,
Әуре етеді ішіне қулық сақтап.
Өзіңе сен, өзіңді алып шығар,
Еңбегің мен ақылың екі жақтап.

Толық

Ғашықтық, құмарлықпен – ол екі жол

  • 2
  • 11

Ғашықтық, құмарлықпен – ол екі жол,
Құмарлық бір нәпсі үшін болады сол.
Сенен артық жан жоқ деп ғашық болдым,
Мен не болсам болайын, сен аман бол.

Толық

Базарға, қарап тұрсам, әркім барар

  • 1
  • 10

Базарға, қарап тұрсам, әркім барар,
Іздегені не болса, сол табылар.
Біреу астық алады, біреу - маржан,
Әркімге бірдей нәрсе бермес базар

Толық

Қарап көріңіз